✦ Moduli i gjuhës - Kursi përfshin anglisht, frëngjisht, italisht për fillestarë (11-13 vjeç) dhe italishte intensive për 14 -18 vjeç. Mësimi zhvillohet çdo ditë nga 4 orë në mëngjes.  

✦ Arkitekturë dhe dizajn - Në këtë modul do të studiohet arkitektura klasike e shekullit të 19-të, skicimi, modelimi dhe punët paraqiten në Festivalin e Arteve Verore në javën e fundit të kursit. Organizohen ekskursione tematike në Basel, Chapel Ronsham dhe Muzeun Vitra Design në Gjermani. Kursi zhvillohet në një studio të veçantë dhe drejtohet nga profesionistë me përvojë. 

✦ Shkrim akademik - Studentët do të përmirësojnë stilin e tyre të shkrimit akademik duke krijuar artikuj kritikë, ese, etj. Ata bëjnë kërkime dhe përgatisin një portofol me punimet e tyre. Nxënësit duhet të kenë nivel të avancuar të gjuhës.  

✦ Kuzhinë italiane - Studentët mësojnë si të përgatisin ushqim autentik italian. Ata zgjedhin produkte nga tregu italian, vizitojnë fabrikat e djathit dhe mishit, mësojnë se si të kombinojnë erëza të ndryshme dhe natyrisht mësojnë receta të reja për t’i provuar në shtëpi.  

✦ Përgatitje për IB - Në këtë program do të studiohen tre nga komponentët kryesorë të programit IB: Teoria e njohurive, Ese e zgjeruar dhe CAS (Kreativitet, Veprim, Shërbim). Do të mësoni teknika për të qenë efektiv gjatë programit, të vendosni qëllime realiste dhe të organizoni kohën tuaj me të tjerët. 

✦ Lean Startup Masterclass - Programi është dizenjuar për studentë që duan të kenë biznesin e tyre. Lektorët me përvojë tregojnë se si të përdorni dhe implementoni teknologjitë e reja, dhe si të vini në jetë idetë tuaja. 

✦ Modë dhe dizajn - Nëpërmjet këtij kursi do të futeni në botën magjike dhe misterioze të modës, dizajnit dhe tekstilit. Studiohet: marketing, etiketim, ndikimi psikologjik i ngjyrave, zhvillimi i tendencave të modës etj. Studentët bëhen pjesë e të gjithë procesit krijues - nga krijimi i idesë, realizimit i saj, proçesi prodhues e deri në prezantimin e produktit përfundimtar. Programi përfshin vizita në fabrikat e tekstilit në Como dhe shtëpi të famshme të modës në Milano. 

✦ Мuzikë - Programi përfshin këndim, performancë, vallëzimin dhe përmirësimin e nivelit gjuhësor. Përveç kësaj, do të studiohen performanca skenike, pantonimia, shkrim skenari dhe moderim. 

✦ Fotografi digjitale - Fotografë me përvojë do t’ju mësojnë bazat e fotografisë digjitale, do t’ju tregojnë se si të fotografoni dhe do t’ju mësojnë programin e redaktimit të fotove. Fokusi i programit është zhvillimi i aftësive teknike, xhirimi i objekteve arkitekturore dhe peizazheve. Kamera ofrohet nga shkolla. 

✦ Kampi ditor - Shkolla ofron kampet ditore pa akomodim. Kampi është njësoj me kampin me akomodim, ofrohen të njëjtat programe dhe aktivitete. Në drekë zakonisht shërbehen sanduiçë. 

✦ Akademia e Tenisit - Stërvitja do të zhvillohet në grupe me 20 nxënës nga instruktorë të çertifikuar. Kursi është 2 herë në javë nga një orë e gjysëm. Studentët do të pajisen me çantë, një bluzë, pantallona të shkurtra dhe çorape. Raketat duhet të sillen nga shtëpia.  

✦ Akademia e golfit - Për të qenë pjesë e këtij kursi kërkohet një rekomandim, ose një kartë anëtarësimi nga një klub golfi. Qëllimi është të përfshihen në kurs lojtarë me përvojë në këtë lojë. Stërvitja bëhet 3 herë në javë në grupe me nga 8 nxënës. Nxënësit do të përdorin një fushë golfi pranë shkollës. Nësenxënësit nuk i sjellin vetë pajisjet e golfit (këpucë dhe shkopinj), do t’ua mundësojë shkolla. 

✦ Crossfit - Ky është një program intensiv i stërvitjes për gjimnastikë, kalanetikë, ngritje peshe, etj.  

✦ Young Writer - Ky modul kërkon anglisht të nivelit B2. Tregime të shkurtra të famshme në anglisht trajtohen gjatë kursit. Në fund të kursit, të gjithë paraqesin materialin e tyre.  

✦ Futboll me ekipin e të rinjve „Milan” - Ky program është një mundësi unike stërvitjeje me klubin e futbollit të Milanit nën drejtimin e trajnerëve profesionistë. Stërvitja bëhet tre herë në javë nga një orë e gjysëm. Nxënësit do të vizitojnë stadiumin e Milanit.  

✦ Basketboll me ekipin e të rinjve Armani - Stërvitja do të bëhet me trajnerët e ekipit Olimpik Rinor „Armani” në Milano, ku secili nxënës do të marrë pjesë në një ekip sportiv. Stërvitja do të zhvillohet 2 herë në javë nga një orë e gjysëm.